Gedicht Mariet van Knippenberg

Gruuts op limburg

’t kabbele van ’t baekske
vergezeld door zjwaanezang
wao de Maas de oever aafkalft
sins miense heugenis
ieëuwe lank
idder sjtökske grondj
det vertelt hiej
van wie ’t vreuger waas
wie forte hiej verreeze
Romeine, Franse, Pruusse de baas
wie miense ’t landj bewerkte
met paerd en ploog en ker
en kaole wonne oêt de berg
ze kwame van doen biej en ver
wie sondes morge blaosmuziek
processies door ut veld
klaproës en kaorebloom
doëzend verhaole door opa verteld
ich dink aan de lange zomerdaag
lieuwerikke baove ’t kaore
en ich ben baove alles bliej en gruuts
det auch ich in Limburg ben gebaore