De sjmink stjeit op ut sjaepke
de deksel vanne doës
de kleijer ligge her en der
‘ne knettergekke bloës
’t heutje met de vaere
det kwaam weer oêt de kas
de boks, ’t rökse, de lange jas
ich dink det ’t nog pas
wao zien auch weer die vaere
dae boa van veurig jaor
en wem ging d’r met mien sjoön vandoor
as ich se vong waas ich zoê klaor
de optoch wach neet, ze beginne al
ich mot heel good dinke
euver wat en woê en waem en wannier
genne tiëd om det laote te bezinke
de lol die wach boëte omme hook
un good glaas beer en bookes kook
boeremoos met wors en hiering as besjloêt
want veur des se ’t wets is ’t vaste en de vastelaovend is oet
Mariet
