2026 is begos en uiteraard beteikent det veur uch allemoal, ’t ierste groëte evenement van dit nieje joar Eg Kessels 2026 kumpt d’r aan.
In de nieje verbouwde Paort höbbe weej veur uch weer ’n sjpectakulaere show op ’t programma sjtoan! En det is in ’t weekend van 23 en 24 januwarie.
De kaartverkaup is 11 januari (jao volgende waek zondig al). Om 6 oêr gaon de deure biej kafee de Boesjer aope en vanaaf den kent gae onger ’t genot van ’n lekker glaeske beer en natuurlik weer ’n ochtend programma wachte toet de kaartverkaup rond 11 oêr zal gaon sjtarte. Ben d’r op tied biej want veurgaonde jaore ging ’t hiël sjnel met de kaarte . Dus dink aan ’t zette van de wekker.
PRIESVRAOG!
Aug dit jaor hebbe wae weer nne priêsvraog. Daegene met ’t meist ludieke antjwaord ken 2 kaartjes winne veur Eg Kessels vriedig of zaoterdig.
Verzin ‘ne ludieke alternatieve sjpreuk veur ’t trio van dit jaor en sjtuur dit in de comments, ’t hoof neet al te netjes, want zoë zien die van Zeele zelf auch neet.
Toet volgende weak zondig!
Groetjes, de organisatie van Eg Kessels
